پنجاب بھر میں میٹرک پوزیشن ہولڈرز کے ناموں کا اعلان
پنجاب بھر میں میٹرک کے نتائج کے اعلان کا طریقہ کار تبدیل کر دیا گیا ہے اور کل ہونے والی تقریبات سے قبل آج ہی پوزیشن ہولڈرز کے ناموں کا اعلان کر دیا جائے گا۔
پنجاب کے آٹھوں تعلیمی بورڈز سیکرٹری ہائر ایجوکیشن حسیب اطہر کے حکم پر میٹرک کے پوزیشن ہولڈرز طلبا اور طالبات کے ناموں کا اعلان آج شام کریں گے ۔
تعلیمی بورڈز کی جانب سے تمام تیاریاں مکمل کر لی گئی ہیں اور پوزیشن ہولڈرز طلبا کو بھی ان کی پوزیشن کے متعلق بتا دیا گیا ہے۔
پنجاب حکومت نے ہر تعلیمی بورڈ کی میٹرک نتائج کے اعلان کی تقریب میں صوبائی وزرا اور اراکین پنجاب اسمبلی کی خصوصی شرکت یقینی بنانے کی بھی ہدایت کی ہے۔۔
فیصل آباد میں تقریب کےمہمان خصوصی صوبائی وزیر قانون رانا ثنااللہ ہوں گے ۔طلبا کے مطابق تقریب سے ایک دن پہلے پوزیشن ہولڈرز کے ناموں کے اعلان سے تجسس ختم ہو جائے گا۔
