انگلینڈ اور آسٹریلیا کے درمیان پہلا ٹی ٹوئنٹی میچ کل کھیلا جائے گا
انگلینڈ اور آسٹریلیا کے درمیان دو ٹی ٹوئنٹی میچوں پر مشتمل سیریز کا پہلا میچ کل ساؤتھیمپٹن میں کھیلا جائے گا۔ قبل ازیں ٹیسٹ سیریز میں انگلش ٹیم نے کینگروز کو تین، صفر سے شکست دے کر ایشز سیریز جیتنے کی ہیٹ ٹرک مکمل کی تھی۔ ٹیسٹ سیریز جیتنے کے بعد انگلش کھلاڑیوں کے حوصلے مزید بلند ہو گئے ہیں دوسری جانب آسٹریلوی ٹیم نے ٹی ٹوئنٹی سیریز میں شکست کا بدلہ چکانے کے عزم کا اظہار کیا ہے۔
