قران کے غلط ترجمہ کی اشاعت پر نو ویب سائٹ بلاک کرنے کا حکم
لاہور ہائیکورٹ بہاول پور بینچ نے رٹ پٹیشن کی سماعت کے دوران قرآن مجید کے غلط ترجمہ شائع کرنے اور حقائق مسخ کرنے پر نو غیر ملکی ویب سائٹس کو پیر28جون تک بلاک کرنے کا حکم جاری کیا ہے ۔
جج جسٹس مظہر اقبال سدھو نے نے سماعت کے دوران چیئرمین پی ٹی اے کو28 جون کو عدالت میں تمام متعلقہ دستاویزات کے ساتھ عدالت میں طلب کرلیا ہے ۔
یہ رٹ پٹیشن بہاول پور کے شہری صدیق محمد نے دائر کی تھی جس میں محمدصدیق نے ان غیر ملکی ویب سائٹس پر قرآن مجید کے غلط ترجمہ شائع کرنے اور قرآن مجید کے حقائق کو مسخ کرنے کا معاملہ اٹھاتے ہوئے عدالت سے درخواست کی ہے ان ویب سائٹس کے خلاف کارروائی جائے ان ویب سائٹس کو بلا ک کیا جائے۔ان غیر ملکی ویب سائٹس میں قرآن مجید کے غلط ترجمے کے خلاف وکلا نے بھی عدالتوں کا مکمل بائیکاٹ کیا۔
