سال اول اور سال سوم میں داخلہ كے تمام امیدوار طلبہ پر لازم ہے كہ وہ اپنے مضامین كا انتخاب سوچ سمجھ كر كریں كیونكہ عام حالات میں داخلہ كے بعد مضامین تبدیل كرنے كی اجازت نہیں دی جاتی تاہم خاص حالات میں با امر مجبوری سال اول اور سال سوم كے طلبہ اگر كوئی مضمون تبدیل كرنا چاہیں تو كلاسز شروع ہونے كے ایك ماہ كے اندر كالج آفس سے درخواست فارم حاصل كریں۔ تبدیل كیے جانے والے مضمون كے انچارج پروفیسر سے پیشگی اجازت لیں۔ نئے منتخب مضمون كے صدر شعبہ سے منظوری لے كر درخواست فارم دفتر میں جمع كرا دیں۔ مضامین تبدیل كرنے كی تاریخوں كا اعلان بذریعہ كالج نوٹس بورڈ كیا جائے گا اور ان مقررہ تاریخوں كے بعد كسی بھی صورت میں مضامین كی تبدیلی ممكن نہیں ہو گی۔
﴿نوٹ1﴾: مضامین كی تبدیلی كے سلسلہ میں داخلہ كے وقت كا میرٹ بہر صورت مد نظر ركھا جائے گا۔
﴿نوٹ2﴾: مضامین كی تبدیلی كے وہ درخواست فارم ہی قابل قبول ہوں گے جو كالج آفس سے حاصل كردہ ہوں اور ہر لحاظ سے مكمل كر كے آفس میں جمع كرائے جائیں۔