Author Topic: دستور وفاق المدارس العربیہ پاکستان  (Read 5218 times)

Offline رخسانہ صابری

  • Editorial board
  • Primary Group
  • *****
  • Posts: 29
  • My Points +0/-0
  • Gender: Female

بسم اللّٰہ الرحمٰن الرحیم
[/b]

دستور وفاق المدارس العربیہ پاکستان

”ضابطہ کار  و  دستور“

 
دفعہ نمبر (۱) نام:

                                اس وفاق کا نام ”وفاق المدارس العربیہ پاکستان “ ہو گا۔

 

دفعہ نمبر (۲) وفاق کا مسلک:

                                ”وفاق المدارس العربیہ“ کا مسلک عقائد اہل السنۃ و الجماعۃ و فقہ حنفی کے مطابق ہو گا۔

 

دفعہ نمبر (۳) صدر دفتر:

                                ”وفاق المدارس العربیہ پاکستان “ کا صدر دفتر ملتان میں ہو گا۔

 

دفعہ نمبر (۴) اغراض و مقاصد:

     (۱)           ملحقہ جامعات و مدارس عربیہ کے جملہ درجات بشمول تکمیل و تخصص و تدریب المعلمین والمعلمات کے لئے جامع نصاب تعلیم مرتب کرنا اور امتحانات میں کامیاب طلباءو 

                    طالبات  کو شہادات (سندیں) جاری کرنا۔

                (۲)          مدارس عربیہ و جامعات میں باہمی اتحاد و ربط پیدا کرنے کی کوشش اور ان کو منظم کرنا۔

                (۳)         مروجہ نصاب تعلیم میں جدید دینی تقاضوں کے مطابق مناسب و موزوں تصرف کرنا اور  حسب ضرورت کتب طبع کرانا۔

                (۴)         وہ مدارس و جامعات جو اس وفاق سے الحاق کریں ان میں نصاب تعلیم ، نظام تعلیم اور  امتحانات میں باقاعدگی، یک جہتی اور ہم آہنگی پیدا کرنا۔

                (۵)         جدید عصری تقاضوں کے مطابق تعلیمات اسلامیہ کی ترویج اور نشرواشاعت اور اہم موضوعات  پر مستند اور تحقیقی کتابیں تالیف و تصنیف کرانا۔

                (۶)          مدارس دینیہ و جامعات کے تحفظ و ترقی اور معیار تعلیم کو بلند کرنے کے لئے صحیح اور موثر  ذرائع اختیار کرنا۔

                (۷)          تربیت المعلمین والمعلمات کا مو ثر و مناسب انتظام کرنا۔

 

دفعہ نمبر (۵) ضابطہ کار:

(الف)      ”وفاق المدارس العربیہ پاکستان“ ایک خالص تعلیمی اور غیر سیاسی تنظیم ہو گی۔ اس کا کسی  سیاسی جماعت سے کوئی تعلق نہ ہو گا اور وفاق بحیثیت وفاق نہ کوئی سیاسی 

              موقف اختیار  کرے گا نہ ملکی سیاست کے کسی مسئلہ میں اظہار رائے کرے گا اور نہ ہی اس بارہ میں ملحقہ مدارس و جامعات کو کوئی ہدایت جاری کرے گا۔

                (ب)        وفاق کی تین مجالس ہوں گی:

                                                (١۱) مجلس عمومی (۲٢) مجلس شوریٰ   (۳٣) مجلس عاملہ

دفعہ نمبر (۶) مجلس عمومی:

(۱)            مجلس عمومی ان تمام جامعات اور مدارس کے نمائندوں پر مشتمل ہوگی جو وفاق سے ملحق ہوں گے۔

(۲)          مجلس عمومی کا اجلاس جب مجلس عاملہ ضرورت سمجھے گی بلایا جائے گا۔

(۳)            مجلس عمومی کے اجلاس میں مجلس شوریٰ اور مجلس عاملہ کی کارروائیاں آگاہی کے لئے پیش ہوں گی۔

(۴)        مجلس عمومی کی تجاویز اور ترامیم پر مجلس شوری کے اجلاس میں غور کے بعد حتمی فیصلہ ہوگا۔

 

دفعہ نمبر (۷) مجلس شوریٰ:

(۱)           مجلس شوریٰ وفاق سے ملحق ان جامعات، مدارس عالیہ اور مدارسِ ثانویہ کے نمائندگان پر مشتمل ہوگی جو ثانویہ خاصہ و عامہ کے امتحانات میں مسلسل تین سال شریک رہے ہوں۔

(۲)          صدر وفاق بمشورہ ناظم اعلیٰ ملحق مدارس متوسطہ، مدارس تحفیظ القرآن الکریم اور مدارسِ بنات سے بھی دس دس نمائندگان نامزد کرسکیں گے۔

(۳)         ”وفاق المدارس العربیہ“کی اصل قوت اسکی مجلس شوری ہو گی، وہی وفاق کے اغراض ومقاصد

              کی تکمیل کی نگران ہو گی۔

(۴)         مجلسِ شوریٰ ”وفاق المدارس العربیہ پاکستان“ کے صدر اور ناظم اعلیٰ کا پانچ سال کے لئے انتخاب کرے گی۔

(۵)         مجلس شوریٰ کا اجلاس منعقد کرنے کے لئے کم از کم ایک ماہ پہلے اطلاع دینا ضروری ہو گا ۔ خاص حالات میں ”صدر وفاق“ ایک ماہ سے کم مدت میں بھی اجلاس طلب کر سکیں گے۔

 (۶)          مجلسِ شوریٰ کا تعین اجلاس سے دو ماہ قبل ہوگا۔

 (۷)          مجلس شوری کا کورم (نصاب) کل ارکان کی  تعداد سے پورا ہو گا لیکن ملتوی شدہ اجلاس  کے لئے سوائے دستوری ترامیم و عزل و نصب عہدیداران کے کورم کی پابندی نہ ہو گی۔

 (۸)         ”مجلس شوری“ کا اجلاس کم از کم سال میں ایک بار منعقد ہونا ضروری ہو گا ۔ اس کے علاوہ صدر اپنی صوابدید یا  ارکان شوریٰ کی درخواست پر بھی اجلاس طلب کر سکیں گے۔

 (۹)          مجلس شوری منظور شدہ دستور میں کوئی ترمیم و تنسیخ دو تہائی ممبران کی اکثریت سے کر سکے گی بشرطیکہ ایجنڈا میں ترمیم و تنسیخ کا بالوضاحت ذکر کیا گیاہو۔

 (۱۰)         مجلس شوریٰ کے فیصلے کثرت رائے سے ہوا کریں گے۔

 

 

دفعہ نمبر (۸) نمائندہ:    نمائندہ سے مراد مندرجہ ذیل عہدیداران میں سے کوئی ایک ہوگا:

                                                مہتمم ، نائب مہتمم ، صدر مدرس ،  ناظم تعلیمات

 

دفعہ نمبر (۹) مجلس عاملہ:

                 (۱)           مجلس عاملہ کے کل ارکان کی تعداد تیس ہو گی جن میں عہدیداران بھی شامل ہو ں گے باقی ارکان کو صدر وفاق بمشورہ ناظم اعلیٰ مجلس شوری سے نامزد کریں گے۔

                 (۲)          ایک تہائی ارکان عاملہ سے کورم پورا تصور ہو گا۔

                 (۳)       مجلس عاملہ ”وفاق“ کے نظم و نسق کی ذمہ دار ہو گی اور اس کے فیصلے بھی کثرت آراءسے  ہوں گے صدر کی رائے کے باوجود اگر آراءمتساوی ہوں تو صدر کی رائے فیصلہ   

کن ہو گی۔

 (۴)         مجلس عاملہ کا اجلاس عام حالات میں پندرہ یوم کی اطلاع پر طلب کیا جائے گا اور غیر معمولی حالات میں اس سے کم عرصہ کی اطلاع پر بھی طلب کیا جا سکے گا۔

 (۵)          مجلس عاملہ ملحقہ جامعات و مدارس کا تعلیمی و تربیتی معیار بلند کرنے کے لئے مناسب اقدامات  کرے گی۔

 (۶)          ”وفاق المدارس العربیہ“ کے سالانہ میزانیہ (بجٹ) کی منظوری کا اختیار مجلس عاملہ کو ہو گا۔

 (۷)          صدر وفاق بمشورہ ناظم اعلیٰ مجلس عاملہ کے مسلسل تین اجلاسوں میں معقول عذر کی تحریری اطلاع دیئے بغیر شریک نہ ہونے والے نامزد رکن کی رکنیت ختم کر سکیں گے۔

             (۸)         مجلس عاملہ ملحقہ جامعات و مدارس کے امتحانات کے معیاری اور مو ثر انتظام کے لئے ایک  امتحانی کمیٹی نامزد کرے گی جس کے ارکان کی تعداد ٩ ہوگی۔ یہ کمیٹی امتحانی امور سے متعلق

                           تمام فیصلے کرنے کی مجاز ہوگی۔

 

دفعہ نمبر (۱۰) صدر کے فرائض و اختیارات:

                (۱)           ارکان مجلس عاملہ کو بمشورہ ناظم اعلی نامزد کرنا۔

                (۲)          وفاق کے اجلاسوں کی صدارت کرنا۔

                (۳)         وفاق کے انتظامی امور کی نگرانی کرنا۔

                (۴)         ”وفاق “ کے لئے بمشورہ ناظم اعلی دو نائب صدر، چار ناظم اور ایک خازن کا تقرر کرنا۔

                (۵)         ”وفاق المدارس العربیہ پاکستان“ کے جملہ ملازمین کا عزل و نصب، ترقی و تنزل صدر وفاق بمشورہ ناظم اعلیٰ کریں گے۔

 

دفعہ نمبر (۱۱) نائب صدر کے فرائض:

                (۱)           صدر وفاق کی طرف سے مفوضہ امور کو سرانجام دینا۔

                (۲)          صدر کی عدم موجودگی میں اجلاسوں کی صدارت کرنا اور انتظامی امور کی نگرانی کرنا۔

 

دفعہ نمبر (۱۲) ناظم اعلیٰ کے فرائض:

                (۱)           دفتر کے نظم و نسق کو چلانا۔

صدر وفاق کی ہدایات کے مطابق مجلس عمومی، مجلس انتخاب، مجلس شوری اور مجلس  عاملہ کے اجلاس طلب کرنااور ایجنڈے جاری کرنا۔

                (۲)          منظور شدہ تجاویز کی نقول ارکان تک پہنچانا۔

                (۳)         ”وفاق“ کے تمام ریکارڈ کی حفاظت کرنا۔

                (۴)         ”وفاق “ کے تمام امور کی تکمیل کرنا جو صدر وفاق یا مجلس عاملہ ان کے حوالے کرے۔

                (۵)         منظور شدہ میزانیہ کے تحت جملہ اخراجات کی اجازت دینا۔

                (۶)          ”وفاق المدارس“ کے امتحانات کی نگرانی کرنا۔

                (۷)          امتحانات میں کامیاب طلبہ و طالبات کو صدر وفاق اور اپنے دستخطوں سے سندات جاری کرنا۔

                (۸)         اپنی عدم موجودگی کی صورت میں ”ناظمین“ میں سے کسی ایک کو بمشورہ صدر وفاق اپنا  قائمقام نامزد کرنا۔


دفعہ نمبر (۱۳) ناظمین کے فرائض:

                                ناظم اعلی کی طرف سے مفوضہ امور/ذمہ داریوں کو سرانجام دینا۔


دفعہ نمبر (۱۴) ”خازن “ کے فرائض:

                (۱)           مالیات متعلقہ وفاق کی نگرانی کرنا۔

                (۲)          حسابات مرتب کرنا، سالانہ میزانیہ تیار کرنا۔

                (۳)         حسابات جمع، خرچ کو باقاعدہ چارٹرڈ اکائونٹنٹ سے تنقیح (آڈٹ) کرانا اور حسابات مجلس عاملہ کے سامنے پیش کرنا۔

                (۴)          بنک سے صدر اور ناظم اعلیٰ یا صدر او ر اپنے (خازن) دستخطوں سے رقم کا نکالنا۔

 

دفعہ نمبر (۱۵) میعاد عہدیداران و مجلس عاملہ:

                وفاق کے عہدیداران و مجلس عاملہ کی میعاد پانچ سال ہو گی اس مدت کے اختتام پر جدید انتخابات اور   نامزدگی ہو گی جس کے بعد سابقہ عہدے اور رکنیت ختم ہو جائے گی ۔

 

دفعہ نمبر (۱۶) ”تعریف مدرسہ“:

                                ”مدرسہ “ سے مراد وہ درسگاہ ہے جہاں باقاعدہ دینی تعلیم دی جاتی ہو۔


دفعہ نمبر (۱۷) درجات مدارس:

                (الف)      مدارس ابتدائیہ ، ایسے مدارس جن میں ”وفاق “کے نصاب کے مطابق درجہ ابتدائیہ  (ناظرہ قر آن مجید و پرائمری) کی تعلیم دی جاتی ہو۔

                (ب)        مدارس تحفیظ القر آن الکریم : ایسے مدارس جن میں حفظ القر آ ن الکریم کی تعلیم ہو۔

                (ج)          مدارس تجوید القر آ ن الکریم: ایسے مدارس جن میں تجوید و قراءة کی تعلیم ہو۔

                (د)           مدارس متوسطہ : ایسے مدارس جن میں درجہ متوسطہ تک تعلیم ہو۔

                (ہ)           مدارس ثانویہ :  ایسے مدارس جن میں درجہ ثانویہ عامہ/خاصہ تک تعلیم ہو۔

                (و)           مدارس عالیہ : ایسے مدارس جن میں درجہ عالیہ تک تعلیم کا انتظام ہو۔

                (ز)           جامعات: ایسے تعلیمی ادارے جن میں درجہ عالمیہ (دورہ حدیث ) تک تعلیم ہو۔

 

دفعہ نمبر (۱۸) مدارس کا الحاق:

                                وفاق المدارس العربیہ پاکستان کے ساتھ الحاق کے لئے ضروری ہو گا :

                (۱)           ادارہ کا اہلسنت و الجماعت حنفی (دیوبندی) مسلک پر ہونا۔

                (۲)          الحاق کے لئے رکن عاملہ، صدر یا ناظم اعلیٰ وفاق کے کسی نامزد معتمد(نمائندہ وفاق) کا معائنہ و تحریری سفارش کا ضروری ہونا۔

                (۳)         وفاق کے ضوابط کی پابندی کا اقرار کرنا۔

 

دفعہ نمبر (۱۹) منسوخی الحاق:

(۱)           ضوابط کی پابندی نہ کرنے کی صورت میں صدر وفاق بمشورہ ناظم اعلی الحاق کو ختم کر سکیں گے۔               

(۲)          وفاق المدارس کے مفادات کو نقصان پہنچانے کی صورت میں صدر وفاق بمشورہ ناظم اعلیٰ الحاق موقوف/ ختم کر سکیں گے اور بعد میں اجلاسِ عاملہ سے اس کی تائید حاصل کریں گے۔

 

دفعہ نمبر (۲۰) ”اپیل“:

               

    (الف)      صادر شدہ فیصلوں کے خلاف اپیل کی مدت پینتالیس (٥٤) دن ہو گی۔

 

     (ب)        طریق کار:

   (۱)           ناظم اعلی کے فیصلوں کے خلاف اپیل صدر وفاق کے پاس ، صدر وفاق اور امتحانی کمیٹی کے  فیصلوں کے خلاف اپیل مجلس عاملہ کے سامنے اور مجلس عاملہ کے فیصلوں کے خلاف اپیل     

                  مجلس شوری میں کی جا سکے گی۔ 

 (۲)          اپیل مرکزی دفتر وفاق المدارس ملتان میں دائر ہو گی۔

 (۳)         اپیل دائر ہونے کے بعد زیادہ سے زیادہ تین ماہ تک فیصلہ کرنا لازمی ہو گا البتہ مجلس عاملہ کے فیصلہ کے خلاف اپیل پر فیصلہ مجلس شوری کے آئندہ اجلاس میں ہو گا ۔

 (۴)         مجلس عاملہ کے فیصلہ سے اگر کسی ادارہ کا امتحان متاثر ہوتا ہو تو مجلس شوری کے فیصلہ تک امتحان  میں شرکت کی اجازت ہو گی۔

 (۵)         مجلس شوریٰ کا فیصلہ قطعی ہو گا جس کے خلاف کوئی اپیل نہیں ہوسکے گی۔

 (۶)          ”وفاق المدارس العربیہ پاکستان“ کا کوئی فیصلہ کسی بھی عدالت میں چیلنج نہیں کیا جاسکے گا۔

دفعہ نمبر (۲۱) مالیات:

   (الف)      مجلس شوریٰ اور مجلس عاملہ کے فیصلوں کے مطابق فیس الحاق اور سالانہ چندہ وغیرہ کی ادائیگی   ملحقہ مدارس و جامعات کے ذمہ لازم ہو گی۔

                (ب)        وفاق المدارس منظور شدہ فیسیں ملحقہ مدارس و جامعات سے وصول کرے گا اور ضروری  مصارف میں خرچ کرے گا۔
[/size]