اسلام آباد کیڈٹ کالج عیسیٰ خیل بحرانی کیفیت کا شکار
اسلام آباد : پنجاب کا واحد کیڈٹ کالج عیسیٰ خیل بحرانی کیفیت کا شکار ہے۔ طلباء نے کلاسوں کا بائیکاٹ اوروالدین نے احتجاج کرتے ہوئے صورتحال بہتر بنانے کا مطالبہ کیا ہے۔
اس سے قبل این اے 95میانوالی میں عمران خان کے کوارڈنیٹر احمد خان نیازی اور پی ٹی آئی کے ایم پی اے عبدالرحمان خان اور امین اللہ خان نے کالج پرنسپل ارشد کیانی کو شکایات دور کرنے کی ہدایت کی تھی
لیکن صورتحال میں بہتری نہ ہو سکی۔ والدین کے ترجمان سمیع اللہ خان‘ رضوان خان‘ عصمت اللہ خان‘ عبدالقیوم اور امان اللہ نے اصلاح احوال کی اپیل کی ہے۔
حوالہ: یہ خبر روزنامہ جنگ اسلام آباد ایڈیشن میں مورخہ 10 نومبر 2018ء کو شائع ہوئی
