PakStudy :Yours Study Matters
Education News / Students Organisation => Education News => Education News from Sindh => Topic started by: sb on February 27, 2009, 12:56:12 PM
-
جامعات میں چینی زبان کے شعبے قائم کیے جائیں گے‘ گورنرسندھ
کراچی (اسٹاف رپورٹر) گورنر سندھ ڈاکٹر عشرت العباد خان نے جامعہ کراچی میں چینی زبان کے شعبے کے قیام اور صوبہ سندھ کی جامعات کے چین کی جامعات سے اشتراک پروگرام سے اتفاق کیا ہے۔ وہ چین کے ادیبوں‘ شاعروں اور اسکالرز کے وفد سے بات چیت کررہے تھے‘ جنہوں نے اکادمی ادبیات کے عہدیداروں کے ہمراہ گورنر ہاﺅس میں ان سے ملاقات کی۔ گورنر نے اس موقع پر موجود چینی قونصل جنرل CHEN SHANMIN سے کہا کہ وہ اس ضمن میں اپنا کردار ادا کریں۔ جامعہ کراچی اور صوبائی حکومت کی جانب سے مکمل تعاون فراہم کیا جائے گا۔ گورنر نے چینی وفد کی صوبائی سطح پر ادیبوں اور طلبہ کے وفود کے تبادلوں سے بھی اتفاق کیا اور اس سلسلے میں تعاون کا یقین دلایا۔ علاوہ ازیں صوبائی وزیر اطلاعات شازیہ مری نے کہا ہے کہ پاک چین دوستی لازوال ہے جس کی بنیاد شہید ذوالفقار علی بھٹو نے رکھی اور صدر آصف علی زرداری کی کاوشوں سے پاک چین اقتصادی شعبہ اور خاص طور پر پاکستان میں توانائی کی کمی پر قابو پانے کے حوالے سے چین سے تعاون فروغ پارہا ہے۔
[/rtl] شکریہ جسارت