جامعہ کراچی میں جعلی مارکس شیٹ پر 34 طلبہ کے داخلے منسوخ
کراچی (محمد عسکری … اسٹاف رپورٹر) جامعہ کراچی نے اعلیٰ ثانوی تعلیمی بورڈ کراچی کی جعلی مارکس شیٹ پر داخلہ لینے والے 34 طلباء و طالبات کے داخلے منسوخ کر دیئے ہیں، جن طلبہ کے داخلے منسوخ کئے گئے ہیں ان میں ایم بی بی ایس، ڈی فارم، ابلاغ عامہ، کمپیوٹر سائنس، کیمیاء، بی کام، بی اے، بی ایس سی اور دیگر شعبے شامل ہیں۔ ڈپٹی رجسٹرار انرولمنٹ وکیل الرحمٰن نے ”جنگ“ کو بتایا کہ وائس چانسلر ڈاکٹر پیرزادہ قاسم اور رجسٹرار پروفیسر رئیس علوی کی جعلی اسناد کی بنیاد پر داخلہ لینے والے افراد کے خلاف کارروائی کی ہدایت پر مارکس شیٹ کو اعلیٰ ثانوی تعلیمی بورڈ کراچی تصدیق کے لئے بھیجا گیا۔ بورڈ کے حکام نے تصدیق کے بعد 34 مارکس شیٹس کو جعلی قرار دیا جس پر جامعہ کراچی نے ان کے داخلے منسوخ کر دیئے ہیں
شکریہ جنگ