ایڈورڈز کالج پشاور کے طلباء کا جوڈیشل اکیڈمی کا دورہ
پشاور: ایڈورڈز کالج پشاور کے شعبہ قانون کے30 طلباء کے ایک وفد نے جوڈیشل اکیڈمی پشاور کا دورہ کیا۔ شعبہ قانون کے سربراہ پروفیسر شجاعت اور کوآرڈی نیٹر پروفیسر منور مصطفیٰ سمیت دیگر فیکلٹی ارکان بھی وفد کے ہمراہ تھے۔
اکیڈمی کی انتظامیہ نے وفد کا استقبال کیا اور اسے اکیڈمی کی مختلف جگہیں دکھائیں۔اس موقع پر ایک تعارفی سیشن کا اہتمام بھی کیا گیا ،جس میں اکیڈمی کے ڈائریکٹر جنرل فضل سبحان نے وفدکے ارکان کو بریفنگ دی۔بعد ازاں، وفد نے اکیڈمی کے ریڈیو میزان کا دورہ بھی کیا اور جاری سرگرمیوں سے آگاہی حاصل کی۔
حوالہ: یہ خبر روزنامہ جنگ پشاور ایڈیشن میں مورخہ 24 دسمبر 2018ء کو شائع ہوئی
