بلوچستان میں پوسٹ گریجویٹ ٹرینی ڈاکٹرز ایکشن کمیٹی کا ہڑتال کا اعلان
کوئٹہ: بلوچستان میں پوسٹ گریجویٹ ٹرینی ڈاکٹرز ایکشن کمیٹی نے آج سے او پی ڈی بند کرنے اور پندرہ مئی سے تالا بندی کا اعلان کردیا۔ کوئٹہ میں نیوز کانفرنس کے دوران پوسٹ گریجویٹ ٹرینی ڈاکٹرز ایکشن کمیٹی کے صدرعبدالصمد نے کہا کہ صوبے میں زیر تربیت پوسٹ گریجویٹ ڈاکٹرزکودیگر صوبوں میں زیر ڈاکٹرز کی طرح سہولیات حاصل نہیں ہیں۔ محکمہ صحت نے گزشتہ تین سال میں میڈیکل آفیسر کی کوئی آسامی مشتہر نہیں کی جسکی وجہ سے تین سو ڈاکٹرز تربیت کے بعد بے روزگار ہیں۔ عبدالصمد نے کہا کہ زیر تربیت ڈاکٹرز سولہ گھنٹے ڈیوٹی کرنے پر مجبور ہیں اوران کی تنخواہ صرف بارہ ہزار روپے ماہانہ ہے۔ جبکہ پنجاب میں پوسٹ گریجویٹ ڈاکٹرز کی تنخواہ پینتیس ہزار ہے۔
شکریہ جنگ