وزیر تعلیم کا طلبہ کو کتب مخصوص شاپس سے خریدنے پر مجبور کرنے کا نوٹس
نجی سکولوں کا یہ اقدام ناقابل قبول،صوبائی حکومتیں اور پیرا نوٹس لیں، شفقت محمود کی ہدایت
اسلام آباد (اے پی پی) وفاقی وزیر تعلیم شفقت محمود نے بعض نجی سکول سسٹمز کی طرف سے طلبہ کو درسی کتب اور کاپیاں اپنے نامزد کردہ مخصوص کتب فروشوں سے مہنگے داموں خریدنے پر مجبور کرنے کی اطلاعات کا سختی سے نوٹس لیا اور کہا کہ یہ اقدام ناقابل قبول ہے اور اکثر والدین کی قوت خرید سے باہر ہے ۔ نئی درسی کتب خریدنے پر مجبور کرنا والدین کے ساتھ نا انصافی اور زیادتی ہے ۔ شفقت محمود نے کہا کہ یہ عمل فوری طور پر بند ہونا چاہیے اور والدین کو یہ اختیار ہونا چاہیے کہ وہ صرف وہی کتب خریدیں جن کی ضرورت ہو۔ وفاقی وزیر تعلیم نے کہا کہ صوبائی حکومتیں اور پیرا فوری اس عمل کا نوٹس لیں ۔ وزیر تعلیم نوٹس
حوالہ: یہ خبر روز نامہ دنیا کراچی 17 اگست 2019ء کو شائع