سندھ میڈیکل کالج میں موجود مخلوط کینٹین
میں آپ کے توسط سے حکومت کی توجہ سندھ میڈیکل کالج میں موجود مخلوط کینٹین کی طرف مبذول کرانا چاہتی ہوں۔ ڈاؤ یونیورسٹی آف ہیلتھ سائنسز کے پراسپکٹس میں ہے کہ لڑکے لڑکیوں کیلئے علیحدہ علیحدہ کینٹین موجود ہے مگر اس کے بالکل برعکس کالج کو اس سہولت سے محروم رکھا گیا ہے۔
دونوں کینٹین مخلوط ہونے کے باعث طالبات کی کثیر تعداد کو آزادی سے کھانا پینے میں مشکل بھی ہوتی ہے اور اپنے آرام کیلئے نکالے جانے والے کچھ لمحات کو استعمال کرنے میں دقت ہوتی ہے
کینٹین باعث سکون ہونے کے بجائے سر کا درد بن گیا ہے۔ میری انتظامیہ سے گزارش ہے کہ اس مسئلے پر توجہ کی جائے اور طلبہ و طالبات کو علیحدہ علیحدہ کینٹین مہیا کرکے ان کی پریشانیاں دور کی جائیں۔
ڈاکٹر خولہ لاکھانی۔ کراچی
