Author Topic: ایئر یونیورسٹی کی تیسری تقریب تقسیم اسناد  (Read 3484 times)

Offline iram

  • Editorial board
  • Hero Member
  • *****
  • Posts: 3849
  • My Points +16/-3
  • Gender: Female

ایئر یونیورسٹی کی تیسری تقریب تقسیم اسناد
تعلیمی میدان میں ایئر یونیورسٹی کی خدمات قابل ستائش ہیں، ایئر چیف    
 
اسلام آباد … پاک فضائیہ کے سربراہ ایئر مارشل طاہر رفیق بٹ نے کہا ہے کہ یونیورسٹیاں تعلیمی میدان میں ملک کیلئے گراں قدر خدمات سرانجام دے رہی ہیں، ایئر یونیورسٹی کی خدمات بھی قابل ستائش ہیں. ایئر چیف مارشل طاہر رفیق بٹ کااسلام آباد میں ایئر یونیورسٹی کی تیسری تقریب تقسیم اسناد سے بطور مہمان خصوصی خطا ب کرتے ہوئے کہنا تھا کہ ایئر یونیورسٹی کے تعلیمی پروگراموں میں انجینئرنگ اور ایڈمنسٹریشن کے علاوہ اپلائیڈ اور سوشل سائنسز تعلیمی شعبہ میں اچھا اضافہ ہے. ان کا کہنا تھا کہ مستند علم اور پھر اس علم کی صنعتی میدان میں منتقلی معاشرے کی مجموعی ترقی کیلئے ازحد ضروری ہے. انہوں نے اعلان کیا کہ اسلام آباد کے سیکٹر ایچ 14 میں ایئر یونیورسٹی کی عمارت تعمیر کی جائے گی. تقسیم اسناد کی تقریب میں انجینئرنگ اور ایڈمنسٹریشن سمیت مختلف شعبوں کے 45 طلبہ اور طالبات میں میڈلز جبکہ 595 طلبہ وطالبات میں بیچلرز اور ماسٹرز کی ڈگریاں تقسیم کی گئیں. یونیورسٹی کے وائس چانسلر ڈاکٹر اعجاز احمد ملک نے یونیورسٹی کی کارکردگی پر روشنی ڈالی.
....................