پاکستان میں یوٹیوب بھی بلاک کردیا
پاکستان ٹیلی کمیونیکیشن اتھارٹی نے فیس بک کے بعد یوٹیوب کو بھی پاکستان میں بلاک کردیا ہے۔ پی ٹی اے کی جانب سے جاری اعلامیہ کے مطابق قابل اعتراض مواد کے تناظر میں ویب سائٹ یوٹیوب کو بلاک کیا گیا،حکام کے مطابق گستاخانہ خاکوں کے تناظر میں اب تک450 سے زائد انٹرنیٹ رابطے بلاک کئے جاچکے ہیں۔ان ویب سائٹس کی بندش ، آئین پاکستان اور عوام کی خواہشات کے عین مطابق اور ہائی کورٹ احکامات کے تحت ہے۔اعلامیہ کے مطابق فیس بک اور یوٹیوب کے منتظمین کا رویہ ان کی اپنی جاری کردہ پالیسیوں کے برخلاف ہے، اگرمذہبی احترام کی یقین دہانی کرائی جائے تو فیس بک اور یوٹیوب کی انتظامیہ کو رابطوں کے لئے سراہا جائے گا۔