Library Sindh Study FG Study quiz Punjab Study
PakStudy :Yours Study Matters

Recent Posts

Pages: [1] 2 ... 10
1

خیبرمیڈیکل یونیورسٹی کی میڈیکل ایجوکیشن اینڈ ریسرچ کانفرنس
پشاور :انسٹی ٹیوٹ آف ہیلتھ پروفیشن ایجوکیشن اینڈ ریسرچ خیبرمیڈیکل یونیورسٹی (کے ایم یو) پشاورکے زیر اہتمام تین روزہ ساتویں بین الاقوامی میڈیکل ایجوکیشن اینڈ ریسرچ کانفرنس شروع ہوگئی
دو الگ الگ سیشنز میں میڈیکل ایجوکیشن اینڈ ریسرچ کے 17 مختلف موضوعات پرورکشاپس منعقد کی گئیں جن میں غیر ملکی کے علاوہ کراچی،لاہور ،فیصل آباداور اسلام آباد کی میڈیکل یونیورسٹیوں سے تعلق رکھنے والے ماہرین نے تحقیقی مقالے پیش کئے ۔ورکشاپس سےامریکہ کے پروفیسر ڈاکٹر جیک بولٹ،ملائشیا کے پروفیسر ڈاکٹر عالم شیر ملک، راولپنڈی میڈیکل یونیورسٹی کے پروفیسرڈاکٹر ادریس انور، عالمی ادارہ صحت ایمرو ریجن مصر کے ڈائریکٹرپروفیسر ڈاکٹرگوہر واجد اوردیگر نے خطاب کیا۔وائس چانسلر پروفیسر ڈاکٹر ارشد جاویدنے خطاب کرتے ہوئے
توقع ظاہر کی کہ شرکاء کو میڈیکل ایجوکیشن کے مختلف پہلوئوں کو سمجھنے میں مدد، طبی تعلیم میں درپیش چیلنجز سے نمٹنے اور مستقبل کا مشترکہ لائحہ عمل طے کرنے کاموقع ملے گا، کانفرنس کی سفارشات کو بروئے کار لانے سے نہ صرف میڈیکل ایجوکیشن کا معیار بہتر بنایا جا سکے گا بلکہ یہ عالمی سطح پر درپیش چیلنجز کا مقابلہ کرنے میں بھی معاون ثابت ہوں گی۔
حوالہ: یہ خبر روزنامہ جنگ پشاور ایڈیشن میں مورخہ 20 مارچ 2019ء  کو شائع ہوئی
2

اسلامیہ کالج ٹیچنگ ایسوسی ایشن کا احتجاجی مظاہرہ
پشاور: اسلامیہ کالج ٹیچنگ ایسوسی ایشن نےمطالبات کے حق میں احتجاجی مظاہرہ کیا ۔مظاہرین نے ہاتھوں میں پلے کارڈزاٹھارکھے تھے جن پروائس چانسلرکے خلاف نعرے درج تھے۔ مظاہرین نے کہا کہ وائس چانسلر اساتذہ کے خلاف انتقامی کارروائیاں کر رہے ہیں
اور اساتذہ پر جھوٹےکیسز بنائے گئے جس کی وجہ سے وہ عدالتوں کے چکر لگا رہے ہیں ، انہوں نے کہا کہ انتظامیہ کی نااہلی کے باعث اسلامیہ کالج میں میگا ترقیاتی کام مکمل نہ ہوسکے ۔
انہوں نے مطالبہ کیا کہ اسلامیہ کالج یونیورسٹی کے لیے مستقل وائس چانسلر کا بندوبست کیا جائے۔مظاہرین نے دھمکی کی کہ اگرتاریخی درسگاہ کو مزید تباہ ہونے سے بچایا نہ گیا تو احتجاج کا دائرہ مزید وسیع کریں گے ۔
حوالہ: یہ خبر روزنامہ جنگ پشاور ایڈیشن میں مورخہ 20 مارچ 2019ء کو شائع ہوئی
3

نقل کے خاتمے کیلئے سب کو اپناکرداراداکرناہوگا،بی ایس او
کوئٹہ: بی ایس اوکے مرکزی وائس چیئرمین خالد بلوچ اورمرکزی کمیٹی کے ممبر عتیق بلوچ نےچیئرمین بلوچستان بورڈ آف انٹرمیڈیٹ پروفیسر یوسف بلوچ سے ملاقات کی اور انہیں دور دراز اضلاع کے طلباءکے مسائل ‘مزید بورڈز کے قیام سمیت دیگر امور پرتبادلہ خیال کیا رہنمائوںنے کہا
کہ بی ایس او امتحانی اور تعلیمی نظام میں دیگر کمزوریوں کے ساتھ نقل کے ناسور کے خلاف ہے بورڈ آفس کی جانب سے میٹرک امتحانات میں نقل کے خلاف ٹھوس اقدمات قابل تعریف ہیں
 لیکن نظام میں موجود خرابیوں کے لئے شعبہ تعلیم سے منسلک دیگر اداروں اور اسٹیک اولڈرز کو بھی اپنا کردار ادا کرنا چاہیے تاکہ نقل کا خاتمہ مکمل طور پر کیا جاسکےبلوچستان کے طویل رقبے کے لئے ایک بورڈ ناکافی ہے خصوصاًمکران کے طلباء اورطالبات کو مسائل کاسامنا کرناپڑتاہے جس پر چیئرمین نے مسائل کے جلد حل یقین دہانی کرائی ۔
حوالہ: یہ خبر روزنامہ جنگ کوئٹہ  ایڈیشن میں مورخہ 20 مارچ 2019ء کو شائع ہوئی
4

باب العلم اسٹوڈنٹس کے تحت جشن مولود کعبہ
کراچی: باب العلم اسٹوڈنٹس سوسائٹی کے زیراہتمام سالانہ جشن مولود کعبہ20مارچ کوشب 10بجےامام بارگاہ دربار حسینی ملیر میں منعقد ہوگا۔ ڈاکٹر علامہ سید ضمیر اختر نقوی خصوصی خطاب کریں گے، جبکہ علامہ فرقان حیدر عابدی، مولانا سید محمدعون نقوی، علامہ کو ثرعباس نقوی، علامہ علی عرفان عابدی، علامہ اعجاز حسین زیدی اور علامہ آل عباس نقوی خصوصی شرکت کرینگے۔
حوالہ: یہ خبر روزنامہ جنگ کراچی  ایڈیشن میں مورخہ 20 مارچ 2019ء کو شائع ہوئی
5

ایئریونیورسٹی ملتان کیمپس میں خودانحصاری واک
ملتان : ایئریونیورسٹی ملتان کیمپس کے زیراہتمام خودانحصاری کے حوالے سے کل واک ہوگی ، جس میں ایئر مارشل (ر ) سہیل امان بھی شریک ہوں گے ،واک گریژن لائبریری نزد عسکری کالونی ملتان کینٹ سے نکالی جائےگی ۔
حوالہ: یہ خبر روزنامہ جنگ ملتان ایڈیشن میں مورخہ 20 مارچ 2019ء کو شائع ہوئی
6

نشتر میڈیکل یونیورسٹی میں منعقد تقریری مقابلوں میں ناقص انتظامات
ملتا ن : نشتر میڈیکل یونیورسٹی میں جنوبی پنجاب کے میڈیکل طلبا کے درمیان تقریری مقابلوں کے دوران ناقص انتظامات کی شکایات سامنے آئی ہیں،یونیورسٹی آف ہیلتھ سائنسز لاہور کے تحت ان مقابلوں کے لئے نشتر میڈیکل یونیورسٹی ملتان کو میزبانی دی گئی تھی ان مقابلوں کر گریٹ ڈیبیٹ کا نام دیا گیا تھا،جہاں جنوبی پنجاب کے میڈیکل کالجز کے طلبا و طالبات نے حصہ لیا۔
حوالہ: یہ خبر روزنامہ جنگ ملتان  ایڈیشن میں مورخہ 20 مارچ 2019ء کو شائع ہوئی
7

جامعہ زکریاکے ڈپٹی لائبریرین کی وائس چانسلر خواتین یونیورسٹی سے ملاقات
ملتان : جامعہ زکریاکے ڈپٹی لائبریرین محمد اکرام چودھری نے خواتین یونیورسٹی ملتان کی نئی وائس چانسلر پروفیسر ڈاکٹر عصمت ناز سے ان کے آفس میں ملاقات کی
اور انہیں خواتین یونیورسٹی میں وائس چانسلر کا چارج سنبھالنے پر مبارکباد پیش کی اور نیک خواہشات کا اظہار کیا۔
حوالہ: یہ خبر روزنامہ جنگ ملتان ایڈیشن میں مورخہ20 مارچ 2019ء  کو شائع ہوئی
8

کیرئیر کونسلینگ اورانٹری ٹیسٹ کے حوالے سے سیمینار
ملتان: پنجاب کالج کے ڈائریکٹر پروفیسر اسامہ بشیر قریشی نے کہاہے کہ پنجاب گروپ آف کالجز کاادارہ سٹیپ انٹری ٹیسٹ کی تیاری کیلئے ملک کاسب سے بڑا ادارہ بن چکاہے اس کامنہ بولتا ثبوت ہزاروں طلباکاداخلہ لیناہے سٹیپ سے انٹری ٹیسٹ کی تیاری کرنے والے طلباء وطالبات کامستقبل روشن ہے
 ان خیالات کااظہار انہوں نے کیرئیر کونسلینگ اورانٹری ٹیسٹ کے حوالے سے سیمینار سے خطاب کرتے ہوئے کیا، انہوں نے مزید کہاکہ پنجاب کالج طلباکو آگے بڑھنے کے تمام موقع ،سہولیات فراہم کرتاہے
 یہی وجہ ہے کہ آج پاکستان اوربیرون ملک میڈیکل کالجز یونیورسٹیز ودیگر شعبوں میں پنجاب کالج کے طلباء وطالبات کی تعداد سب سے زیادہ ہے
 اورملتان اور جنوبی پنجاب سے بہترین ڈاکٹرز اورانجینئر ز پیدا ہورہے ہیں اس موقع پر لاہورسے آئے ہوئےپروفیسرز کامران گیلانی،محمد ریحان ، جنید جاوید نے انٹری ٹیسٹ اور آگے بڑھنے کیلئے بہترین مشورے دئیے ، آخرمیں نیوزی لینڈ میں شہید ہونے والے افراد کیلئے دعا کی گئی ۔
حوالہ: یہ خبر روزنامہ جنگ ملتان  ایڈیشن میں مورخہ 20 مارچ 2019ء  کو شائع ہوئی
9

پنجاب کے سکولوں میں داخلہ مہم کے افتتاح کی تقریب پھر ملتوی
لاہور(خبر نگار)پنجاب کے سکولوں میں داخلہ مہم کا افتتاح کرنے کی تقریب ایک بار پھر
ملتوی ہو گئی ۔ انرولنمنٹ مہم کا افتتاح آج 20 مار چ کو ہونا تھا ۔ تاہم انتظامات مکمل نہ
ہونے کی وجہ سے حکمہ سکول ایجوکیشن نے مہم پھر ملتوی کردی۔
حوالہ: یہ خبر روزنامہ جنگ لاہور ایڈیشن میں مورخہ 20 مارچ 2019ء کو شائع ہوئی
10

پنجاب یونیورسٹی کے طلبہ کا پل کی تعمیر کے لئے مظاہرہ
لاہور : پنجاب یونیورسٹی کے ٹوٹے ہوئے اوورہیڈ برج نمبر 4 کی تعمیر کے لئے کینال روڈ
پر پنجاب یونیوسرٹی کے طلبہ کا احتجاج، ٹیپا کی طرف سے 10 اپریل تک پل تعمیر کرنے
کے وعدے پر ختم کر دیا گیا ہے۔
حوالہ: یہ خبر روزنامہ جنگ لاہور ایڈیشن میں مورخہ 20 مارچ 2019ء  کو شائع ہوئی
Pages: [1] 2 ... 10