Library Sindh Study FG Study quiz Punjab Study
PakStudy :Yours Study Matters
9th Class MCQS App 4 Android>>

گوگل کا آن لائن انسائیکلوپیڈیا

Offline علم دوست

  • *****
  • 1288
  • +2/-1
گوگل کا آن لائن انسائیکلوپیڈیا
« on: January 09, 2009, 05:52:45 PM »


گوگل کا آن لائن انسائیکلوپیڈیا

کمپیوٹر سرچ انجن گوگل نے ایک ایسے منصوبے کا آغاز کیا ہے جس کے تحت ہر موضوع پر مواد اکٹھا کیا جائے گا۔گوگل نے پہلے ہی لوگوں کو اس بات کی دعوت دینا شروع کر دی ہے کہ وہ اپنی مہارت کے شعبے میں لکھیں۔

گوگل حکام کا کہنا ہے کہ وہ اس منصوبے کے سلسلے میں ایڈیٹر کا کردار ادا نہیں کریں گے بلکہ ان صفحات کی اشاعت کے لیے مطلوبہ ٹولز فراہم کریں گے۔

کئی ماہرین گوگل کے اس منصوبے کو وسیع پیمانے پر استعمال کیے جانے والے وکی پیڈیا انسائیکلوپیڈیا پر ایک حملہ قرار دے رہے ہیں۔گوگل کے ادارتی بلاگ میں لکھتے ہوئے سرچ فرم کے ہیڈ آف انجنیئرنگ اُڈی مینبر نے کہا ہے کہ یہ مفید علم کو بانٹنے کا ایک منصوبہ ہے۔

ویب کو سلیقے کے ساتھ پیش کر کے گوگل معلومات کو آسانی کے ساتھ دستیاب کرنے کی کوشش کر رہا ہے۔ گوگل کو امید ہے کہ معروف مصنفوں سے ان کی مہارت کے شعبے میں لکھوا کر معلومات کو زیادہ بہتر طریقے سے پیش کیا جا سکتا ہے۔

گوگل کا انسائیکلوپیڈیا کچھ اس طرح کام کرے گا کہ ماہرین سے لکھوائے گئے ہر مضمون کی علم کے ایک یونٹ ’نول‘ سے نشاندہی کی جائے گی کہ یہ مضمون کس حد تک معتبر ہے۔

قارئین نول صفحات کی افادیت کے لحاظ سے ان کی رینکنگ بھی کر سکتے ہیں۔ نول صفحات کے ساتھ ایسے ٹول بھی فراہم کیے جاتے ہیں جن کی مدد سے ان صفحات پر موجود مواد کو اچھا، برا یا اوسط درجے کا قرار دیا جا سکتا ہے۔

گوگل انسائکلوپیڈیا میں تبصرے شامل کیے جا سکتے ہیں، ان میں ترامیم تجویز کی جا سکتی ہیں یا ان میں اضافہ کیا جا سکتا ہے۔ نول صفحات پر شائع شدہ اشتہارات سے حاصل ہونےوالی آمدنی کو مضمون نگاروں کے ساتھ بانٹا جاتا ہے۔

ویب انڈسٹری کے ایک مبصر نکولس کار کا کہنا ہے کہ نول وکی پیڈیا کے ساتھ براہِ راست مقابلہ کرے گا۔



شکریہ
 http://www.bbc.com/urdu/

میں بہت عظیم ہوں جو کہ بہت ہی عظیم علمی کام کررہا ہوں