خیبر پختونخوا سکولوں میں چار کڑور درسی کتب کی تقسیم شروع
صوبائی وزیر تعلیم فیصل خان ترکئی نے کہا ہے کہ نئے تعلیمی سال کے آغاز تک تمام سکولوں میں طلباءوطالبات کو درسی کتابوں کی فراہمی یقینی بنائی جائے
تاکہ بچوں کی تعلیم کا سلسلہ متاثر نہ ہو۔ بجٹ معاملات کیلئے وہ خود محکمہ خزانہ اور دیگر اعلی حکام سے بات کریں گے
تاکہ بروقت بجٹ جاری اور سپلائی مکمل ہوسکے۔ وہ خیبر پختونخوا ٹیکسٹ بک بورڈ اجلاس سے خطاب کر رہے تھے
جس میں چیئرمین ٹیکسٹ بک بورڈ ثقلین ، سپیشل سیکرٹری محکمہ تعلیم اسفندیار خٹک، ممبرٹیکسٹ بک بورڈ ولی خان اور دیگر اعلیٰ حکام نے شرکت کی۔
وزیر تعلیم کو بریفنگ میں بتایا گیا کہ پبلشرز کیساتھ معاملات ٹھیک جا رہے ہیں ابھی تک تقریباً 28 فیصد کتابوں کی سپلائی کا عمل مکمل کیا گیا ہے
جبکہ کل ڈیمانڈ تقریباً 3 کروڑ 93 لاکھ کتابیں ہیں۔ صوبہ بھر میں کتابوں کی بروقت سپلائی کیلئے پرائمری لیول پر 354سرکلز اور سیکنڈری لیول پر 28 سرکلز قائم کئے گئے ہیں
کتابوں کی سپلائی اپریل کے دوسرے ہفتے سے شروع ہوجائیگی، امسال کتابوں کی سپلائی کی مقدار کم رکھی گئی ہے
اور حکومت کی پالیسی کے مطابق ہائی اور ہائیر سیکنڈری سکول لیول پر بچوں کو سابق طلباء کے زیر استعمال کتابیں فراہم کی جائیں گی
اس سے اخرجات کنٹرول ہوں گے اور بچوں کو بروقت کتابوں کی سپلائی یقینی بنائی جائیگی
انہوں نے یہ ہدایت بھی کی کہ سابقہ کتابوں کو زیر استعمال لانے کیلئے طریقہ کار کے مطابق سکولوں کے پرنسپلز اورذمہ داروں کو ہدایات جاری کی جائیں
پاک اسٹڈی لائبریری اپنی خدمات کو بہتر کرنے کے لئے نئے سوفٹ وئیر انسٹال کررہی ہے ۔ اس لئے آئندہ کچھ دن آپ کو کچھ صفحات تک رسائی میں مشکلات کا سامنا ہوسکتا ہے ۔ جس کے لئے ہم معذرت خواہ ہیں۔
Pak Study Library is installing new software to improve its services. herefore, in the next few days, you may face difficulties in accessing some pages. sorry for the inconvenience.